Рагнвальд Ульфсан

Рагнвальд Ульфсан
шведск.: Ragnvald Ulfsson den gamle
Род дзейнасці	ярл Вестэргётланда, пасаднік у Ладазе
Дата нараджэння	X стагоддзе
Дата смерці	XI стагоддзе
Грамадзянства	Швецыя
Бацька	Ульф Тостэсан[d]
Маці	Сфандра (Інгеборга)
Жонка	Інгеборга Тругведоцір[d] і Астрыд Ньяльсдоцір
Дзеці	Улеб[d], Эйліў Рагнвальдсан[d] і Стэнкіль

Рагнвальд Ульфсан (шведск.: Ragnvald Ulfsson den gamle, або шведск.: Ragnvald jarl) — ярл Вестэргётланда (1010—1019), пасаднік у Ладазе з 1019 года.

Біяграфія

Сын ярла Ульфа Тостэсана (шведск.: Ulf Tostesson) і Сфандры (Інгеборгі), выгадаваны Торгнюрам Торгнюрсанам, лагманам Тыўндаланда (стар.-сканд.: Þorgnýr lögmaðr ці шведск.: Torgny Lagman). Сваяк па лініі маці шведскай прынцэсы Інгегерды — іх маткі былі сёстрамі.

Калі дачка шведскага караля Олафа Шатконунга Інгегерда выходзіла замуж за наўгародскага князя Яраслава Мудрага ў 1019 годзе, паводле «Саг пра Олафа Святога» Сноры Стурлусана і «Сага пра Эймунда», у пасаг прынцэса атрымала горад Альдэйгабарг (Старая Ладага) з прылеглымі землямі, якія атрымалі з тых часоў назву Інгерманландыі (зямлі Інгегерды), а Рагнвальд Ульфсан быў прызначаны пасаднікам (ярлам) Ладагі.

Крысціян Крог. Олаф Святы і Рагнвальд. Ілюстрацыя да выдання «Сноры Стурлусан. Круг Зямны», 1899 г.

У сазе пра Олафа Святога гаворыцца, што калі Олаф хаваўся ў Наўгародскай зямлі ў Інгегерды з 1028 года па 1030 год, то праездам гасцяваў у Рагнвальда Ульфсана таму, што паміж імі было «самае вялікае сяброўства».

Шлюбы і дзеці

Першы шлюб з Інгеборгай

У Ладагу Рагнвальд Ульфсан прыбыў разам з сям'ёй. Жонкай яго была Інгеборг, старэйшая сястра караля Нарвегіі Олафа Тругвасана.

Дзеці:

• Ульв (Улеб) Рагнвадльдсан — згадваецца ў летапісе пад 1032 годам, як ваявода наўгародцаў у паходзе на «Жалезныя Вароты».
• Эйліў Рагнвадльдсан — паводле скандынаўскіх крыніц, стаў ярлам (пасаднікам) у Ладазе пасля смерці бацькі.

Другі шлюб з Астрыд (спрэчная здагадка)

Дзеці:

• Стэнкіль (гіпатэтычна) (1028—1066), кароль Швецыі (1060—1066).

Пасля смерці Рагнвальда Астрыд вярнулася ў Швецыю з сынам Стэнкілем і выйшла замуж за шведскага караля Эмунда Старога

Спрэчная здагадка ў тым ліку і пра другі шлюб, заснавана на атаясамленні згаданага ў сазе пра Хервёр бацькі Стэнкіля — Рагнвальда Старога з Рагнвальдам Ульфсанам.

Спасылкі

• Anders Winroth. Ragnvald Ulfsson //Svenskt biografiskt lexikon, b. 29 (1995—1997), s. 616(недаступная спасылка) (шведск.)
• Hans Gillingstam. Stenkil // Svenskt biografiskt lexikon, b. 33 (2007—2011), s. 346(недаступная спасылка) (шведск.)